الاثنين، أكتوبر 10

بالفيديو : نقط وملحوظات حول أحداث ماسبيرو ..دعوة لإعمال العقل


نقط وملحوظات حول أحداث ماسبيرو ..

خلونا ندخل في الموضوع على طول من غير مقدمات
في البداية تعالوا نتفرج على الفيديو ده بغض النظر عن عنوانه المستفز لكن تعالى نركز مع بعض هنلاحظ الآتي :

بالفيديو: المسيحيون يحرقون مركبات الجيش والعامة


1- لاحظ ان اللي كان بيحاول يكسر في الاتوبيس ان كان فيه ناس بتمنعه لدرجة ان واحد من الناس ضرب أحد الناس اللي بتكسر ... بصو لده هتلاقوا ان اللي بيحاول يكسر اقل بكثير من اللي بيحاولوا يمنعوا ..

2- لو حابب تعرف مدرعات الجيش كانت بتتعامل بالطريقة العنيفة دي ليه هادعوك لأنك تشوف اللي في في الفيديو اللي على الرابط ده :
دهس مدرعات الجيش للمتظاهرين الأقباط


3- عايز اقولك حاجة كمان العنف رد فعل طبيعي للعنف ، وطول عمرنا بنشوف ان اللي بيبدأ بالعنف ديماً هو الأمن في كل صوره وخلونا نفتكر يوم 25 يناير ويوم جمعة الغضب

4- لحد الآن مشوفناش جثث ولا عرفنا حتى اسماء او سمعنا اخبار عن جنازات عسكرية لأي من جنود الجيش بينما اللي شوفناه فيديو زي ده
وده
وكمان جثث تانية منها جثة اخويا مينا دنيال – الناشط السياسي – اللي مقتول برصاصة داخلة من أعلى  كتفه الأيسر خارجة من دراعه .. وده له قصة معايا هاكتبها بعدين ..


صورة مينا أثناء جمعة الغضب وبعد تلقيه رصاصة الغدر الذي قتلته بالامس
صورة أخرى لمينا الله يرحمه

5 – ليه الجيش والشرطة اقتحموا مقر قناة 25 يناير ومقر قناة الحرة اثناء بثهم لمشاهد من منطقة ماسبيرو على الهواء مباشرة وده فيديو يوضح صراخ مذيعة قناة 25 يناير اثناء البث المباشر :
صراخ مذيعة قناة 25 اثناءاقتحام القناة وقت البث المباشر

والاجابة على السؤال اللي في النقطة رقم 5 ده في منتهى البساطة وهي عشان يتم منع أي بث او صور للأحداث الا عبر وسائل الإعلام الرسمية – التلفزيون المصري – اللي مسيطر عليه المجلس العسكري والحكومة .. واللي مستغلينه فقط للتحريض وترويج الاكاذيب وده بشهادة عاملين فيه وخد شوف بنفسك
وده كمان

6 – ليه يتم اختلاق تصريح مكذوب على لسان هيلاري كلينتون يفيد بأن امريكا بتهدد او بتعرض بإرسال قوات لحماية الأقليات في مصر ؟؟ مين وراه ومين روجه ؟؟
التصريح ده تم نفيه بشكل رسمي والسفارة الأمريكية قالت ان هذا التصريح لم يصدر عن الادارة الأمريكية نهائي  وده خبر النفي :
ببساطة اللي روج للخبر ده واحد هدفه هو انها تولع وانه يطلع المسيحيين خونة وبيستنجدوا بالخارج عشان يحبك مسلسل الأكشن بتاع ماسبيرو اللي قام بتأليفه والترويج ليه التلفزيون المصري ..

اصل المشكلة وحلها كان يكمن في كلمتين وبس :
المشكلة بدأت لما مجموعة من أهالي قرية المريناب عندما قاموا بهدم كنيسة تحت الانشاء بحجة انها من غير ترخيص وانها كانت منزل وتم تحويله لكنيسة ، وخليني افترض صحة الكلام ده عشان اقصر الطريق على المشككين ، لو كان الكلام ده حقيقي يبقى المفروض ان من يقوم بالهدم هي الجهات التنفيذية للدولة مش أهالي القرية ، لأن احنا المفروض يعني اننا في دولة وفيها أمن وجيش وشرطة ايد واحدة ، يعني اللي قاموا بهدم المبنى ده أي كان هما مجموعة من المواطنين اللي ليس لهم أي سلطة تنفيذية وده يعني انهم قاموا بجريمة وواجب عقابهم ومسائلتهم لقيامهم بدور الجهاز التنفيذي بشكل غير شرعي ، ومع ذلك تم تسقيع الموضوع وخرج محافظ أسوان بتصريحات مستفزة للناس وبكلام مردود عليه بينما لم يلوم من قاموا بدوره في هدم الكنيسة !!
المهم
خرج الأقباط للتعبير عن غضبهم وقاموا بالإعتصام امام ماسبيرو من 5 أيام يعني يوم 5 أكتوبر وكلنا طبعاً شوفنا الفيديو ده 
قوات الجيش بتعجن في أحد المعتصمين الأقباط يوم 5 أكتوبر
http://www.youtube.com/watch?v=hbdHCeF0vvw

بعد فض الاعتصام دعا الأقباط لمسيرات يوم الأحد 9 أكتوبر للتعبير عن غضبهم وللمطالبة بإصدار قانون دور عبادة موحد ، والمسيرة تم الدعوة إليها بأن تكون بشكل سلمي تماماً وخرجت المسيرات بالفعل ولكن فوجئنا بما حدث جميعاً ..
لكن قبل ما اكمل خليني افكركم بحاجة وخبر مهم جداً ، وهو تهديد 11 حزب من فلول نظام مبارك بأنهم هايولعوا مصر – وحددوا منطقة الصعيد كبداية - احتجاجاً على قانون الغدر وقانون العزل السياسي اللي كان فيه كلام عن ان هايتم اقرارهم  وده الخبر اهه :

وهنا احنا يتفتح المجال لمين له مصلحة في كل ده ؟؟
هل المسيحيين اللي تم دهسهم وقتلهم ، ام المسلمين اللي في كل الأحوال لن يضرهم بناء الكنيسة ؟؟
مين مصلحته ان يحصل قلق ليكون مبرر لقانون الطوارئ وربما تأجيل الإنتخابات وربما ركوب العسكر على الحكم ؟؟ في رأيي مفيش غير جهتين المجلس العسكري والفلول اللي هدووا ..
طيب كان يتحل الموضوع ده ازاي ؟؟
الموضوع ببساطة كان يتحل بالعقل من أصحاب السلطة في مصر ، بمعنى ان كان يتم دعوة الأقباط للحوار ومناقشة المشكلة معاهم ، بالإضافة طبعاً إلى تفعيل القانون ضد كل من يرتكب جرم او يقوم بدور الجهاز التنفيذي بدلاً من الحكومة ، وكان فيه اكتر من اسبوع ممكن يتم الدعوة فيه بداية من يوم اشتعال الأحداث وهدم المبنى وحتى أمس ولكن طبعاً المطلوب ان الدنيا تولع لغرض في نفس الفلول والمجلس العسكري .. وده الحل بكل بساطة ، الحل في الحوار والنقاش لا في العنف الأمني والقمع والقتل وسفك الدماء ..
وكلمة أخيرة العنف ملوش رد فعل غير العنف ورد الفعل هنا مش جريمة وانما دفاع عن النفس ، احنا نفسنا – كمصريين بكل طوائفنا والواننا – مارسنا العنف كرد فعل يوم 25 يناير ويوم 28 يناير ويوم موقعة الجمل ، واستخدمنا الملوتوف والحجارة وولعنا في عربيات امن ومنهم مدرعة جيش كمان يوم 28 يناير ، ده كله لأن العنف لا يجلب إلا العنف ..
بس

هناك 9 تعليقات:


  1. شركة مكافحة حشرات بالمدينة المنورة

    بادروا بالحصول علي اقوي عروض و خدمات شركة المنزل
    اقوي شركة مكافحة حشرات بالمدينة المنورة فلديها افضل المبيدات الامريكية الساحقة
    لجميع الحشرات النمل الابيض
    البق, الصراصير , الفئران , الثعابين
    و تقضي عليهم نهائيا مع افضل فريق للتعامل مع كافة الحشرات و كيفية رش جميع المبيدات الغير ضارة بالانسان و المصرح بها عالميا
    شركة المنزل تضمن لكم بيت خالي من اي حشرات


    شركة مكافحة النمل الابيض بالمدينة المنورة


    http://elmnzel.com/pest-control-medina/

    ردحذف