الاثنين، نوفمبر 26

كفر العلو بين شهامة الشباب وخيبة النخب

صورة من كفر العلو ( من موقع ابناء مصر )0





لا أعرف من أين أبدأ ، هل أبدأ بحديث عن المأساة الإنسانية التي تعيشها قرية كفر العلو ؟ أم أبدأ بمأساتنا المسماه بالنخب السياسية التي لا تجيد الا الكلام وياليته كلام مؤثر بل كلام لا يسمن ولا يغني من جوع .

فهذة الأيام تعيش قرية كفر العلو مأساة انسانية بكل معاني كلمة مأساه أكثر من 65 أسرة تعيش في العراء وأقول أسرة وليس 65 فرد اي أن هذة الأسر تتكون من رجال ونساء وأطفال وشيوخ أيضاً ، تشرد كل هذة الأرواح بسبب ما تقول الحكومة عنه انه مشروع انشاء محطة مياه رغم وجود ارض خلاء في نفس المنطقة وبها مساحة تكفي لبناء اكثر من محطة مياة وليست واحدة ، ولكن يُقال ان هذة الأرض الخلاء ينوي أحد المستثمرين شرائها أي انها منطقة محرمة وكلنا يعرف قانون البقاء للمستثمر أقصد للأقوى.

لم ارى من يتحدث او يتبنى قضية تشريد عشرات الاهالي ورميهم في العراء غير مجموعة من الشباب بعد نداء اطلقه موقع " موقع أبناء مصر " – والقائمين عليه كلهم من الشباب ايضاً - لجمع التبرعات ومساعدة أهالي قرية كفر العلو المشردين ليكشف لنا هذا الموقف شهامة ونقاء وانسانية تتفجر من الشباب المتعددي الإتجاهات السياسية ، ويبين لنا مدى عجز وخيبة وفشل النخب عاشقي الكاميرات والميكرفونات والاحاديث الصحفية.

استطاعت مجموعة من الشباب المختلفين سياسياً ان يفعلوا ما فشلت وعجزت عن فعله النخب رنانة الخطب , فرغم الإختلاف السياسي تعاونوا هؤلاء الشباب وتوحدوا انسانياً لمساعدة أهالي كفر العلو الذي شردتهم الحكومة ضيعتهم النخب ، وبالفعل تمكن هؤلاء الشباب بالتنسيق مع جمعية رسالة الخيرية من توفير عدد من البطاطين وبعض المواد الغذائية وتقديمها لمساعدة اهالي قرية كفر العلو المشردين.

فيا ايتها النخب البليدة ألا تتعلمي من هؤلاء الشباب ؟ وياأيتها القوى السياسية ( المعارضة ) ألا تتعلمي التعاون والتوحد من هؤلاء الشباب ؟

فهل من مجيب ايتها القوى السياسية ؟

ومازال النداء مستمر لمساعدة اهالي ضحايا كفر العلو

نداااااااااء عاجل

لأصحاب القلوب الرحيمة

واللي مش رحيمة

واللي ماعندوش قلب أصلا أساسا

أهو ندااء للكل و خلاص

الحوقوا أبوكم و أمكم و أخوكم و أختكم

الحقوا جدكم و جدتكم

و أنا مش ببالغ

الناس دي كلهاااااااااا اتشردت في الشارع

لا لاقية أكل و لا شرب و لا لبس

لاجئين يا ناس

و الله لاجئين

لاجئين في بلدهم

لاجئين في أرضهم

لاجئين في شوارعهم في عزهم

دول أهالي كفر العلو

دول في مصر هنا في القاهرة في حلوان

أظنكم عارفينهم و لو مش عارفينهم يبقى عيب قووووي أبناء مصر صوتهم اتنبح عليهم و عملوا فيلم عنهم كمان اسمه في العراء

لو مش عارفينهم اعرفوهم من عند أبناء مصر

طب حاتعملوا ايه؟؟ تساعدوا ازاي؟؟

محتاجين اعانات

محتاجين لبس شتوي

محتاجين أكل

محتاجين لبس أطفال

محتاجين لبن

أقلها محتاجين عيش

أو حتى ممكن تبعتوا فلوس

فاكرين أهالي اللي كانوا عالقين في رفح أما جمعنالهم فلوس و أكل و بطاطين و لبس و اتبعتت لهم قوافل طبية و نوارة راحت لهم هي و مجموعة كبيرة من الناس؟؟؟

نفس الحكاية برضه

أبناء مصر بيطلبوا منكم تساعدوهم بأي حاجة بأي حاجة

انتم متخيلين يعنى ايه تبقى غريب في بلدك؟؟ لاجئ في أرضك؟؟

الناس دي اطردت من بيوتها و اترمت في الشوارع

الناس دي أبويا و أمك و أختك و جدي

أبنـــــــاء مصـــــر بيدعوكم للمشاركة... لو تحبوا تشاركو راسلوني على

DonationsandVolunteering@gmail.com

أو اتصلوا بالرقم ده

0106778994

و ياريت يا جماعة نشوف همة

و الله المستعان

Contact InfoEmail:

mariam.Omran@gmail.com

Website:

http://www.abna2masr.com/index.php/archives/822

ليست هناك تعليقات:

إرسال تعليق

علق ومتنساش تدخل على مدونتي التانية حنظلة
http://7anzala.wordpress.com