الثلاثاء، سبتمبر 25

بيان صادر عن عائلة الششتاوي بخصوص المدعو سمير الششتاوي عدو حرية الصحافة وعدو الشعب المصري

يا جماعة احب اوضح شيئ في غاية الأهمية بالنسبة ليا
فيه محامي اسمه سميرمحمد الششتاوى رئيس المنظمة المصرية للدفاع عن الوحدة الوطنية
المحامي ده اللي رفع القضية على ابراهيم عيسى ورفع القضية على الدكتور محمد سيد السعيد رئيس تحرير صحيفة البديل
وطبعاً انا اسمي محمود الششتاوي واكيد ناس كتير ظنت او هاتظن ان سمير الششتاوي ده قريبي
واحب اوضح انه لا قريبي ولا اعرفه ولا يشرفني اني اعرفه
واوضح ان عائلة الششتاوي اللي انا منتمي اليها غير عائلة الششتاوي الذي ينتمي اليها المدعو سمير الششتاوي
وان كان قريبي وانا معرفش فأنا أُعلن تبرأي منه ومن أمثاله أعداء الحرية وأعداء الشعب المصري
واحب اوجهله رسالة
بدل ما انت زعلان اوي كدة وخدتك الحمية على اللي اتقال على المدعو مبارك ورحت رفعت قضية على ابراهيم عيسى والدكتور محمد سيد السعيد بتهمة انهم بيروجو لإشاعات حول صحة المدعو مبارك
كنت ورينا شطارتك وارفع قضية على اللي بيعذبوا الناس في الأقسام والسجون
او كنت ارفع قضية على اللي سرطنو الشعب
ولا على اللي غرق اكتر من 1000 واحد وهرب

واحب اقولك حاجة في الآخر يا حاج سمير
مبارك عيان وهايموت
غصب عنك او بمزاجك ولله عيان وهايموت
وريني بقى هاترفع قضية على ربنا ازاي

هناك 23 تعليقًا:

  1. ولا واحد في الدنيا يتشرف بمعرفة أو قرب لهذا "مش قادر أقول محامي" ربنا ياخد أمثاله لأنهم عالة على البلد , وربنا يرحمنا منهم
    حمادة زيدان

    ردحذف
  2. ششتاوى اولا انته واحشنى بجد والله ثانيا ياباشا احنا عارفين موقفك واراءك وواحد زى ده مش هايغير صورتك يابطل هولاء هم اذناب السلطه وذييولها وينعقون خلف كل ناعق اهم شىء عندو مصلحتو مين اللى يدفع اكتر ولو لقى حد يدفع له اكتر من السلطه كان بقى معاهم

    ردحذف
  3. ماشي يا سيدي
    أحنا مصدقينك
    ولك حق الصراحه تقلق أنه يربط بينك وبين النطع ده
    معلش الأسامي ببلاش
    تصدق كنت أعرف من زمان قوي واحد ششتاوي وما كانش كويس
    وفيه شاعر معفن بيشترك معايا في أول وتاني أسم
    معلش
    براءه

    المدونه مميزه
    تحياتي

    ردحذف
  4. احنا مصدقينك يامحمود
    وعمرنا مانشك فى حاجة زى كدا
    لان الناس اللى طلعت محمود
    عمرها
    ماتعرف واحد زى دا
    ولا ايه ياباشا

    ردحذف
  5. أنا عاوزك تعترف،
    هو شيشتاوى واحد هانضحك على بعض ولا ايه
    هههههههههههههههههه
    بهزر طبعا، ليك حق تتبرى منه والله
    بس خاف على نفسك باه
    لحسن يرفع عليك قضية :))

    سعدت جدا بمعرفتك يا معلم
    وها عرفت نقابة الصحفيين فيه كام دكتور ولا لسه ههههههههه

    ردحذف
  6. تتشرف أدارة مدونة يلا نفضحهم


    بحضور كومفرانس لجنة الدفاع عن سجناء الرأى وحقوق الأنسان

    يوم السبت الموافق2007/9/29
    الساعة 11 مساءا
    علي ايميل افضح
    efdah@yahoo.com
    ونطلب من سيادتكم بتجهيز الأقتراحات للمدونة

    وشكرا

    ردحذف
  7. انا طبعا ....................... مصدق بس عاوز اثبات
    معاك مستندات
    ولا اقولك يكفيك تتبرأ منه

    ردحذف
  8. أنا على فكرة من نفس العيلة اللي منها المدعو سمير الششتاوي البني آدم دا من الناس اللي عايزين يظهروا وانا بقوله اختشي على دمك وبلاش الحركات القرعة والنفاق المفضوح والظاهر والحركات دي مش هتوصلك لمنصب ولا حاجاة إتق الله إتق الله إتق الله

    ردحذف
  9. دة اللى ابنة مات غرقا
    http://www.bilakoyod.net/details2111.h4p

    ردحذف
  10. هو من الجماعه اللي تحب ركوب الموجه والظهور ومحاباه اصحاب النفوذ وكل هذا علي حساب اشياء كثيره ونذكر جميعا قضيه هشام طلعت عندما كتب كتاب "براءه هشام من دم سوزان"واقل ما يقال عنه انه محامي تافه لايشرف مهنه المحاماه

    ردحذف
  11. من حق المتهم القانوني طبقا للقانون والدستور ان يكون معه محامي للدفاع عنه واثبات دفاعه000000000000 ***وحسبما قرر مبارك في مكالمته للششتاوي ان هناك خفايا لانعلمها وايضا لا نعلمها ما لم يتكمل الشكل القانوني لمحاكمه متهم ***ان سمير او غيره المحكمه كده كده في حاله عدم حضور دفاع لمبارك ستقوم بندب محامي من المحكمه لذلك

    ردحذف
  12. المستفاد من ترشيح الششتاوي انه واجه العالم كله بقراره دون تخوف ايمانا منه بالديموقراطيهاتي نادي بها العالم اجمع وانه افضل ممن غيروا وتلونوا حسبما تكون الموجه رايجه وانه جرئ جدا في ذلك كونه يعلم انه يدافع عن شخص تنافر منه الجميع واصراره علي ذلك رغم الصعوبات علي شخصه ومهنته كونه محامي ويحتاج للسمعه الطيبه

    ردحذف
  13. المدعو سمير الششتاوي دا شخص تعبان وكذاب محامي غير محترم اعرفه جيدا عمل بعض الوقت مستشارا قانونيا في احدي الدول الخليجيه وطرد منها شر طرده لما عرف عنه من مواقف كلها خسه وحقاره وافعال بعيده عن مهنه المحاماه كل البعد.

    ردحذف
  14. ليه الحقد والغل والغيره العمياء من زملائك في المهنه امثال فريد الديب ده لدرجة انه نام (من غير غطي خالص) وحلم ببابا حسني بيمدله يد العون والاستغاثه في نفس الوقت اولا العون بالملايين الذي استنتج انه سوف يلهفها مع الوعد بمساعدة اخوته في الشقاء المحامين الغلابه والذين هم أكفأ من الديب وثانيا يد الاسغاثه ممدوده لانه عبقري ولا يوجد في كفائته اثنين و و و يا لهوييييييييي والنبي والنبي اتغطي كويس وما تخلنيش اشوف وشك ثاني ماش يابا

    ردحذف